सिल नगरेको मतपेटिका भेटिएपछि मतगणना प्रभावित

काठमाडौँ । कांग्रेस १५ औँ महाधिवेशन अन्तर्गत पदाधिकारीहरुको मतगणना  प्रभावित भएको छ । शनिबार ढिला गरी केन्द्रीय कार्यालय सानेपामा सुरु भएको मतगणना मतपेटिकाको विवादसँगै प्रभावित भएको हो ।

आज पहिलो चरणमा उपसभापति र महामन्त्रीको मतगणना गर्ने तयारी गरिएको थियो । तर, मतगणना अगाडि बढाउने बित्तिकै सिल नगरिएको मतपेटिका भेटिएपछि विवाद सुरु भएको थियो । 

 

 

 

समावेशीतर्फ उपसभापतिका उम्मेदवार रञ्जित कर्णले रातोपाटीसँग भने, ‘मधेस प्रदेशको सिल नगरेको बाकस भेटियो । त्यसमा मुचुल्का नगरेको पाइयो । यसले विवाद भएपछि मतगणना अहिले प्रभावित बनेको छ ।
सभापतिको मतगणना यसअघि सकिएको छ भने वरिष्ठ उपभसभापति निर्विरोध निर्वाचित भएका छन् ।rato pati